जिन्दगी चैत जस्तो बनिरहेको बेला
जब बाटोमा आइसक्रिम देख्छु
जिन्दगी माघ जस्तो चिसो भएको बेला
जब न्यानो बलिरहेको आगो देख्छु
त्यतिबेला म आमालाई सम्झन्छु
प्रेमीसंग ब्रेकअप हुंदा रोएको म
जब आंखा पखाल्न घरबाट तल आउंछु
घरमा राखिएको स्यानो बाख्राको बच्चाको लागि
माउ बाख्रा कराइरहेको देख्छु
मुर्ख म लाई हेर्छु हांस्छु आमालाई सम्झन्छु
म रूख चढ्दा खुट्टा नभांचिओस् भनेर
खुट्टा भांच्दिन्छु भनिदिने
रिसाइरहने तर रिष नमान्ने आमा
जब सांचो प्रेमको परिभाषा खोजिरहन्छु
त्यतिबेला म आमालाई सम्झिन्छु
ठेसलाग्दा अइया मम्मी भन्दा होस्
वा घर छोड्दा मम्मीका आंशु देख्दा होस्
एक्लोपनले नराम्ररी सताएपछि
जब कसैलाई पनि सम्झिन मन लाग्दैन
त्यतिबेला म आमालाई सम्झिन्छु
##Lokraj Acharya
Happy mother's Day all of you
No comments:
Post a Comment